Šyyškuun viimesenä pyhänäpiänä, konša oli tovellini jälkikešä, karjalaisen kulttuurin Viena-šeuran jäšenet ta Vuokkiniemen eläjät otettih ošua filmin kuvaukših.
Tulija filmi kertou runonlaulajien kylän kulttuurista ta perintehistä, vienankarjalaisista. Kuvaukšie piettih Mie näytän šiula Karjalua -projektin rajoissa. Projektin erikoisuona on še, jotta filmin piäšankariloiksi tullah lapšet ta še esittäy mimmoni yhtevyš on lapšien ta perintehien välillä. Šentäh kuvaukših yhyttih lapšet Koštamukšešta ta Vuokkiniemeštä. Kaikin hyvin pärjättih omien tehtävien kera ta šuatih hyvyä kokemušta šekä vietettih mukava ta lämmin päivä kaunehešša kyläššä.
Nämä oltih jo kolmannet kuvaukšet Vuokkiniemeššä tänä vuotena.
– Kohta kylä tulou oikiekši Mosfilm-studijoksi, šuutkitah Viena-šeuran jäšenet.