Kilbu: Rahvahallizien suarnoin muailmu
17. kylmykuudu algavui kogo Ven’an kilbu ”Rahvahallizien suarnoin muailmu”, kudai pietäh Kul’tuuru školaniekkoih nähte -projektan mugah.
Pido on omistettu folklouran erähäle vahnimis sanelendois — eeposale, kuduan perustannu ollah rahvahan eloksen tavat, urohotevot da ezi-ižien eletty elaigu.
— Suarnalline eepossu, kudai on jogahizen kanzallizen kul’tuuran tärgei vuitti, ainos andoi taidoviritysty kirjuttajile, taidoiljoile da säveldäjile. Eepossu on meijän kul’tuuruperindön tärgei vuitti. Rahvahallizien sanelendoin vuoh polvi polveh siirrettih mielevytty, hyvytty da oigienmugažuttu. Sendäh Rahvahallizien suarnoin muailmu -aktsien piätavoiteh on ei vaigu säilyttiä se folklouran ainavoluaduine ainehisto, ga ozuttua školaniekoile eeposan kaunehus da bohatus, kuhkuttua heidy oman histourien da kul’tuuran ielleizeh tutkimizeh, kerdou Ven’an kul’tuuruministerstvu omassah saital Ven’an kul’tuuruministran stats-sekretarin Žanna Aleksejevan sanoi.
Ven’an školaniekat kaikil puolil muadu voijah yhtyö kilbah da ozuttua omii neroloi.
Aktsiedu pietäh eri nominatsielois: vokualu, soitandu, kuvailutaido, animatsiifil’mu, oman ičen tevos, akt’ouran nero.
Kilbah yhtyjes lapsel pidäy valmistua kilburuado yhtes libo äijäs kehoitetus nominatsies da kirjuttua zajavku portualal "Kul’turadl’aškol’nikov.RF".
Zajavkoi otetah vastah talvikuun 7. päiväh suate. Arvostusjoukko valliččou 100 parastu ruaduo, kuduat sijoitetah kaikile kačottavakse talvikuun 18. päiväh suate portualal "Kul’turadl’aškol’nikov.RF".
Yhty Oman Median kanualah Telegramas!
