Kilbu: piälimäzen runon ečos
Karjalazien runoloin päiviä vaste Kanzallizen da alovehellizen poliitiekan ministerstvu pidäy perindöllisty kilbua ”Piälimäzen runon ečos”.
Karjalazien runoloi on mondu luaduu – eeppizet, liirizet, svaud’bas pajatettavat, uinotus- da tiedovorunot, runot-suarnat da uvvet runot — ”novinat”.
— Kilbuniekoil pidäy valmistua taidoruado sen karjalazen runon perustehel, kudai on lähembä da mielužembi. Se voibi olla čomaine, ozutus, sävel, pagizutandu, esse, fotokuva, lyhyt video da hos mi muu aihieh pädii.
Kilbah voijah yhtyö Karjalan tazavallan eläjät, kudamien mieldy kiinittäy kandurahvahien kieli da kul’tuuru. Kilbah voibi yhtyö yksinäh, perehinneh da joukolleh, kerdou Kanzallizen da alovehellizen poliitiekan ministerstvu omassah VK-sivul.
Fotokuvat, audio- da videoruavot libo niilöin linkit pidäy työndiä sähköpoštale oraskuun 31. päiväh suate. Vältämättäh pidäy merkitä oma nimi da sugunimi libo ruadojoukon nimi, oman ruavon nimi da kirjuttua lyhyt sellitys sih nähte, mindäh juuri tämä runo on vallittu da kui sen syväindö kuvastuu luajitus ruavos — se on kilvan vältämätöi ehto.
Parahat kilburuavot ilmoitetah Karjalan runoloin päivänny 10. kezäkuudu Kanzallizen da alovehellizen poliitiekan ministerstvan VK-joukos. Kai kilbuniekat suajah diplomat, parahien ruadoloin luadijat suajah mustolahjat.
Aihies voit lugie vepsäkse, suomekse da ven'akse.
