Kiirehelline abu: lendokonehel teriämbäh
Vuvvennu 2025 lendokonehien vuoh oli pellastettu 222 hengie, lendokonehet 144 kerdua nostih ilmah.
— Konzu tärgei on joga minuuttu, sanituarulendokonehet ollah ainavo keino piästiä ristikanzu hengih. Muga meijän liäkärit pellastettih 75-vuodehizen eläkkeheläzen Anuksespäi. Miehel rodih infarktu. Händy kiirehel kamul tuodih Petroskoih, liäkärit terväh autettih hänele. Se oli se kerdu, konzu auttua voimattomale sai vaigu tuomal händy lendokonehel, kirjutti Karjalan piämies Artur Parfenčikov omassah VK-sivul.
Niilöin voimattomien keskes, kenele autettih sanituarulendokonehet, ongi 23 lastu, 8 kudamil ei ole ni vuottu igiä.
Tädä ruaduo pietäh kanzallizen Pitkyaigaine da aktiivine elaigu -projektan mugah. Voimattomii vietäh ei vaigu Petroskoin, ga Piiteringi bol’niččoih.
— Kiitän meijän liäkärilöi da lendäjii korgies ruadoneros! Teijän ruado andau mahton pellastua rahvahii. Kuvves vuvves on pellastettu 6 tuhattu ristikanzua, kirjutti Artur Parfenčikov.
Aihies voit lugie suomeksegi.
