Kieli ta perintehet: Kipinä-lehti jatkau juhlavuuvven tuntišarjan lukijien kera
Periodika-kuštantamo ta Kipinä-julkaisu otettih vaštah Petroskoin 43. koulun 6. luokan opaštujie. Lapšet, kumpaset opaššuttih šuomie 2 vuotta koulušša, šuatih tietyä Kipinä-lehen valmistamisešta. Vuotena 2026 Karjalan lapšenjulkaisu täyttäy 40 vuotta ta järještäy šen yhteyveššä tapuamistilaisukšie ympäri vuuvven. Tällä kertua koululaisilla vietettih tutuštumisohjelma ta kerrottih karjalan-, vepšän- ta šuomenkielisisen julkaisun arkipäivistä.
Ohjelman rajoissa lapšet šuatih tietyä, mitein valmissetah kuvalehti ta mitä tehtävie on lehen toimittajilla. Šamoin koululaisilla järješšettih muasteri-oppi Kipinä-lehen šivujen mukah, min aikana tytöt ta pojat tuttavuššuttih muinaiskanšojen elinpaikkoih, perehtyitih karjalaisien elämäntapoih šekä šovitettih kanšanpuvun ošie ta korissukšie.
— Myö olemma luken Kipinyä noin kakši vuotta. Šiinä on äijän materialija, kumpasie käytämmä oppituntiloilla. Tänäpiänä lapšet šuatih tietyä, jotta lehellä on pitkä istorija. On tärkietä, jotta Kipinä tutuššuttau lukijie Karjalan kanšojen perintehih šekä auttau kielien opaštumisešša, kertou Petroskoin 43. koulun musejotoiminnan opaštaja Svetlana Leontjeva.
Yhty Oman Median MAX-kanalah!
