Kižin fotokuva voitti kanzoinvälizes kilvas
Petroskoilazen fotokuvuajan luajittu Kižin suaren kuva voitti kanzoinvälizes kilvas. Dmitrii Piginan kuva on sanottu parahakse Pohjazen Ven’an alovehien arhitektuuru- da objektoinkuvien fotokilvas, kuduah oli työtty enämbi 400 kuvua.
— Häi Pigin - toim.) ozutti Kižin tunnelman muga hyvin, ga jogahine kilvan arvostai oli ihastuksis, on kirjutettu kilvan joukos VKontakte-sivul.
Kilvan tarkoituksennu on ozuttua pohjazien alovehien omaluaduvuttu da kaunehuttu fotokuvien kauti. Kilbah yhtyi äijy ammatillistu fotokuvuajua da tavallistu ristikanzua. Arvostusjoukko valličči 50 fotokuvua, kuduat ozutetah sulakuus Šanhain linnas da painetah monikielizeh kogomukseh.
Piginal jo on kogemustu fotokuvien ozuttamizes. Hänen kuva oli toizien joukos ozutettavannu Petroskoin randupihal Kuusizen mustopaččahan rinnal Minun rakas randu — Karjal! -ozuttelus. Sit kuvas sežo oli Kižin suari.
Kanzoinvälistu fotokuvien projektua todevutetah Russkii mir -fondan finansukannatuksel.
Aihies voit lugie suomeksegi.
Yhty Oman Median kanualah Telegramas!
