Kezapästused “Kipinäd” lugemas
“Periodika”-painištos läksi eloho “Kipinä” -kulehtesen kezakun nomer. Paiči kaikenlaižid rubrikoid — “Pähkmed aivoile”, “Tedat-ik tö?”, “Teiden ičetoi lehtpol’” — siš voib löuta nencoiden sarnan, mastar’-klassan, stolvändon da äi tošt.
— Täl vodel meiden kulehtesel om jubilei. Jubilejaks jatktam kirjutada materialoid “Kipinän”-radnikoiden da abunikoiden polhe. Necil kerdal starinoičim Ol’ga Žukovas, kudamb viž vot keradeli kulehtesen vepsläižen nomeran ühtes minunke, starinoiči “Kipinän” toimitai Galina Baburova.
Ližaks vereses nomeras voib löuta “Vepsläižid külidme”-komiksoiden jatktandan Nadežda Agapitovalpäi. Täl kerdal komiksoiden pähenged saba tedoid Kalagen “Kalarand”-praznikas. Midä melentartušt ned nägištiba Änižen randal, tedištat meiden kulehtesespäi.
Sada veresen nomeran voib “Kipinä”-tomištos radaigan muupäivil.
Tarkištele "Oma Median" MAX-kanalad!
