Keväz’ tuli: "Kipinän" vepsӓnkeline nomer läksi eloho
"Periodikas" om jo lähtnu "Kipinä"- kulehtesen keväz’kun nomer vepsän kelel. Lapsed da aigvoččed ristitud voiba löuta siš harjoitusid da mastar’-klassad, sada uzid tedoid londuses, lugeda melentartuižid sarnoid da muga edemba.
― "Kipinӓn" jubilejaks mö zavodim uden "Kipinӓlaižed"- rubrikan, kus starinoičem kulehtesen radnikoiš. Neciš nomeras kirjutam taidehpirdajan Margarita Jufan polhe, starinoičem hӓnen elos da rados, ― sanui üks’ "Kipinän" vepsänkeližen nomeran keradajišpäi Darja Polina.
Runoid, sarnoid, harjoitusid keväden temale – necidä da äi tošt melentartušt voib löuta necen kulehtesen lehtpolil.
Uz’ "Kipinän" nomer vepsän kelel lähteb kezakus. Toimitajad vaumičeba erazvuiččid melentartuižid starinoid, sarnoid, tegendoid da mastar’-klassoid.
Tarkištele "Oma Median" Telegram-kanalad!
