Babajevon rajonas pidetas mastar’-klassoid, kus ristitud keitäba vepsläšt veronmugošt sömišt. Koronavirusan taguiči heinkus ned oma online-formas.
Babajevon rajonas vepsläižed starinoičeba ičeze tradicionaližen sömižen polhe. ”Vepsläine sömine”-projektan aigan pidetas mastar’-klassad, kus ristitud tedištaba vepsläiziden emägiden peitusid da receptoid, miččed om kaitud kanzoiš.
Heinkus mastar’-klassad oma internetan kal’t. Nügüd’ voimuz ühteta vastusihe om niil-ki ristituil, ked eläba edahan i jo amu tahtoiba opendamhas paštta da keitta vepsläšt sömišt. Babajevon rajonan Etnokul’turžen keskusen radnikad sanuba miše rahvahale om mel’t mödhe mugoižed vastused.
— Mastar’-klassad vedäb Maria Smirnova, Etnokul’turižen keskusen radnik. Maria tuli vägestajaks grantoiden konkursas, sikš mö voim tehta vastusid da mastar’-klassoid. Projektan aigan mugažo om avaitud ”Muzejan honuz” Timošinon kul’turpertiš, sanub Vera Ivanova, Etnokul’turižen keskusen ohjandai.
Toine mastar’-klass planuitas 26.heinkud 14.00. Sil ristitud napriba keitta vepsläižen latkan. Ühteta vastusehe voib Vkontakte-gruppas.
”Vepsläine sömine”-projekt vägisti grantoiden konkursas i tehtas ”Sodružestvo”-sebran tugele.