Kedä ollou fotokuvas? – “Oma Mua” ilmoittau uvven kilvan
Oman 35-vuozipäivän kunnivokse karjalankieline Oma Mua -lehti on pannuh rattahile uvven kilvan.
— Hyvät lugijat! Jogahizel teis on ruokos vahnoi da nygyaigazii fotokartočkoi — kuvii, kudamis pon omahizii, tuttavii, ruadokollektiivoi, toinah kodižiivattoigi. Onnuako joga pereharhiivas löydyy moine fotokartočku, kudamas olis mieldykiinittäi tiijustua toizilgi. Toinah kuvas kiini on mitahto kummakas šeikku, hyvä libo paha mieli, tusku libo ilo. Voi olla, mintahto ammattipruazniekan kynnyksel työ tahtozitto sanelta kuvan kauti omas libo omahizen ammatis, kiändyy lehten lugijoin puoleh “Oman Muan” piätoimittai Ol’ga Smotrova.
Lehten toimittajat potakoijah omii lugijoi sanelemah toine toizele omis fotokuvis, omis histourielois. Toinah kentahto lugijois tunnustau vierahas fotokartočkan oman rodn’an libo tuttavan.
Ku kuva ollou vahnu, se pidäy olla hyvin fotografiituttu libo skaniiruittu. Kuvan ližäkse pidäy olla suuri libo pieni kirjutus kuvah niškoi karjalakse libo ven’akse. Kilburuavot työndäkkiä adresile. Kilvan voittajat ilmoitetah “Oman Muan” 35-vuoizipäiviä vaste oraskuus.
