Kazaniš valitihe parahimad kodikelen da literaturan opendajad
15.—22. sügüz’kud Kazaniš parahiman kodikelen da literaturen opendajan nimes voibištelihe konkursan regionaližen etapan vägestajad. Heiden keskes oli kaks’ vepsän kelen opendajad: Nadežda Fokina Lodejnijas Pöudospäi da Anastasia Jevtušenko Šoutjärvespäi. Konkursan ezmäižen turan jäl’ghe Anastasia putui 15 laureatan lugetišehe.
— Toižes turas minä vedin klassčasun. Starinoičin lapsile Karjalas. Minai kerdal oliba Karjalan simvolad — Kalevala -kirj, kalitk, tätüine-kaičii. Olen ozakaz. Olda konkursan laureatoiden keskes om jo vägestuz minun täht. Kitän kaikid, ken tugezi mindai, sanub Anastasia.
Koumandes turas konkursas voibištelihe viž ühtnikad. Opendajad ozutiba žüri-joukule ičeze mastar’-klassad. “Parahim kodikelen da literaturan opendai-2024” -Ühthižvenälaižen konkursan vägestajaks tegihe opendai Bur’atijaspäi Svetlana Radanžapova.
