Viizikymmen kuustu Karjalaspäi tuodih Ven’an voinumiehih niškoi, kuduat ollah sluužbas Siiries. Puut vallittih taimenkazvatushuonukses Karjalan piämiehen Artur Parfenčikovan käskyl. Karjalas kazvatetut kuuzet tuodih Hmeimin-aviabuazale lendokonehel.
– Voinumiehet suadihgi hyvittelykortit da suveniirat, kuduat luajittih Karjalan nuoret armeitsat. Toivon, ku se tuou voinumiehile hyviä mieldy, kirjutti omas Vkontakte-sivul Karjalan piämies Artur Parfenčikov.
Kuuzet työnnettih Siirieh muga terväh, ku lumi kuuzien ladvois ei ehtinyh sulata.