Karjalazien valattamizen 800-vuozipäiväkse valmistetah uuttu painostu
Karjalazien valattamizen 800-vuozipäiväkse valmistetah kirjua, kuduan nimi on ”Pravoslavnoi usko Karjalas: histouriellis-kul’tuurizet oučerkat”. Kirju piäzöy ilmoih vuvvennu 2027, konzu Karjalas ruvetah pidämäh karjalazien valattamizen 800-vuozipäiviä. Käskyn pruazniekkupidoloih nähte allekirjutti Ven’an Federatsien prezidentu Vladimir Putin.
―Pruazniekkupidoloi varustajes Kanzallizen da alovehellizen poliitiekan ministerstvan tuvel valmistetah kirjua, kudai tuttavuttau lugijoi meijän muan pravoslavnoin uskon histourieh, kirikkölöin arhitektuurah, karjalazien uskondoloih, suau lugie Kanzallizen da alovehellizen poliitiekan ministerstvan VK-sivul.
Petroskois Ystavyskoin tilois piettih ruadoistundo, kuduas šeikuittih tulien kirjan painamistu. Pivos olluot piettih paginua tutkimuksien kirjuttamizes, valmehien kirjutuksien toimittamizes, tulien kirjan ulgonävös.
Aihies voit lugie vepsäkse, suomekse da ven'akse.
