Karjalazien eländykohtat: uuttu ruaduotilua
Karjalan piämiehen tyves toimijan karjalazien, vepsäläzien da suomelazien edustajien nevvoston vuoronmugazes istundos piettih paginua tazavallan kandurahvahien perindöllizien eländykpohtien kehitysty da pidoloi karjalazien etnosotsializen da etnokul’tuurizen kehityksen hyväkse.
Karjalan ekonoumizen kehityksen ministru Anton Fokin ezitti nevvostolazile Karjalan kandurahvahien perindöllizien eländykohtien ekonoumizen kehityksen ruavon tulokset.
— Biznessu- da investitsiiaktivižus kandurahvahien eländykohtis ozuttau kazvuo. Täl aigua niilöil alovehil todevuttajien investitsiiprojektoin luvettelus on 138 alguhpanuo. Ilmoitettuloin investitsieloin kogonaine suurus on 55 miljardua rubl’ua. Net ei olla vaigu luvut, net ollah uvvet ruadokohtat, sotsiualuinfrastruktuuran kehitys da meijän piirilöin ekonoumizen perustan lujoittamine, kerdou ministru Anton Fokinan sanoi Karjalan tazavallan haldivon virralline saitu.
Nevvoston instundos paginal oldihgi Priäžän piirin karjalan kielen da kul’tuuran säilyttämizen kogemus da kilbuprogrammu ”Ven’an kanduvähembistöt. Yhteiskunnallizen diplomuatien škola”.
Aihies voit lugie suomeksegi.
Yhty Oman Median kanualah Telegramas!
