Karjalas zavodidas “Jagade tradicijal!” -valdkundaline flešmob
Venäman Rahvahiden ühtmuden voden aigan Karjalan Valdkundan Rahvahaline kirjišt ičeze oficialižel lehtpolel kucub regionan eläjid ühtnemaha “Jagade tradicijal!” -sädandflešmobaha (0+). Nece om ani kebnas: tariž starinoita ristituile ičeze jüriš, tradicijoiš da kul’turjäl’gestusen bohatuses. Ühtneda voib kaikutte tahtnik: lapsed da aigvoččed, erazvuiččiden rahvahiden ezitajad.
Ühtnendan täht pidab tehta lühüd videorolik (ei pit’kemba koumed minutad). Videorolikas voib starinoita armhas rahvahaližes sömižes vai kanzan tradicijas, lugeda än’heze otegen rahvahan sarnaspäi vai legendaspäi, ozutada rahvahaližen sädon i eskai kargaita.
Üks’ ühtnik voib oigeta žurijoukule vaiše ühten videorolikan. Se tariž painda failoiden vajehtusen lehtpolele (transfiles.ru), kaičendaigaks anttas 14 päiväd. Videorolikan lähte pidab oigeta elektronižele počtale. Kirjeižes om tärged kirjutada ičeze nimi da familii, a mugažo nimitada videorolik (ozutesikš, “Keväden vastusen vero”, “Minun baboin tradicionaline sömine”). Konz pakičuz om sadud, ühtnikale oigetas vahvištuz.
Videorolikad voib oigeta voden 2026 kül’mkun 4. päivähasai. Kaikutte ühtnik sab elektronižen sertifikatan.
Tarkembad tedod flešmobas voib sada sen oficialižes dokumentaspäi.
Tarkištele "Oma Median" Telegram-kanalad!
