Karjalas vuvvennu 2025 rodieu vie 17 feršalipunktua da ambulatouriedu
Meedikkualan objektoi nostetah Pitkyaigaine da aktiivine elaigu -kanzallizen projektan mugah. Uvvet feršalipunktat nostetah Lahdenpohjan, Anuksen, Priäžän, Kondupohjan, Onieganrannikon, Puudogan piiriloih, sego Belomorskan, Sordavalan da Suojärven alovehile.
Vuvves 2020 tazavaldah on nostettu 54 feršalipunktua. Tänä vuon Pitkyaigaine da aktiivine elaigu -kanzallizen projektan hyvyös Karjalan tervehyön ministerstvu hommuau yheksä feršalipunktua da kaheksa ambulatouriedu — kaikkiedah 17 meedikkualan laitostu. Kuvvel objektal jo menöy ruado, erähät terväh roitah valmehet. Vuvven loppussah valmistetah dostalit.
— Käytettäväkse otammo valmih rakendus vaigu vagavan da šeikkuperäzen tarkastuksen jälles. Sendäh ku palvelemah rahvastu sie ruvetah kymmenii vuozii, sanoi Karjalan tervehyön ministru Mihail Ohlopkov Karjalan tazavallan piämiehen lehtistöpalvelule.
Meedikkualan laitoksii valmistau paikalline biznesmies pohjazen ilmaston vaigevuksii huomivoh ottajen. Objektoin tilat da laittehisto vastatah nygyaigazii vuadimuksii da normii.
Aihies voit lugie suomeksegi.
