Karjalas pietäh viijestostu biblioyö
Karjalan Kanzalline kirjasto 18. sulakuudu yhtyy kogo Ven’an aktsieh ”Biblioyö-2026”. Se on muan eräs tärgevimii kul’tuurutapahtumii.
— Joga vuottu piettävän aktsien piätarkoituksennu on kannattua lugemistu, popul’ariziiruija literatuurua da lujoittua sen roulii kanzallizen kul’tuuran tärgevimanny vuitinnu. Sinä piän muan kirjastot roitah eri igien da mieldymyksien rahvahien yhtistäjäkse ”avvonazikse kul’tuurualovehikse”, ilmoittau Karjalan piämiehen lehtistöpalvelu omassah tiedottehes.
Vuvven 2026 aktsien aihiennu on ”Ven’an vägi on kanzoin yhtenäžyös”. Sen vuoh tahtotah korostua muan kul’tuuristu moniluaduvuttu da ozuttua, kui literatuuru auttau säilyttiä perindölöi da lujoittua kanzoin toine toizen ellendämisty.
Sinä piän jogahine aktsieh tulluh voibi luajittua ičelleh lugijan lippu Biblioyö-2026 merkin kel.
Aihies voit lugie suomeksegi.
Yhty Oman Median kanualah MAX:as!
