Karjalas mäneb vepsän sarnale omištadud festival’
Karjalas seičemenden kerdan mäneb vepsän sarnale omištadud festival’. Täl vodel ”Vepsläine sarn” -festival’al om kaks’ etapad. Ezmäine mäneb 11.—16.-redukud. Edel sidä aigad pidab oigeta kuvatud video sarnanke vepsän kelel.
Konkursan ühtnikad voibištelesoiš kahtes nominacijas: ”nügüdläine sarn” da ”tradicionaline sarn”.
— Ezmäižel etapal žürijouk valičeb parahimid kollektivoid, miččed vägestasoiš sid’ jo toižel etapal. Toine etap mäneb necen voden 4. kül’mkud Kalages, sanub Rahvahaližen da regionaližen ministerstvan radnik Ol’ga Sobolenko.
Ühtneda festivalihe kuctas lapsid da norid mehid 7—21 vodehesai. Kaik ühtnikad saba muštlahjoid, a vägestajad – specialižid lahjoid. ”Vepsläine sarn” - festival’ tehtas Rahvahaližen da regionaližen ministerstvan rahatugel.
Ližatedoid voib sada tägä.
