Karjalas luajitah videoloi kanzallizeh poliitiekkah nähte
Videoprojektah yhtyy opastajua, yhteiskunnallizih liittoloih kuulujua, tiedomiesty da valdivovallan herrua. Yhtenäžyön iäni -projektua todevuttau Karjalan kanzoin ystävyskodi.
— Podkast — lyhyt video on ihan uuzi ruadomuodo meih nähte. Myö piätimmö, ku Yhtenäžyön vuvvennu maksau tuttavuttua rahvastu kanzallizeh poliitiekkah ei vaigu pidoloin kauti, ga leviesti andua tieduo sih nähte da kerduo, mikse todevutetah kanzallistu poliitiekkua, kulleh se on moniluaduine da eripuoline, sanoi Oma Mediale Aleksandra Kuznetsova, Karjalan kanzoin Ystävyskoin piälikkö.
Projektan enzimäine video sai nähtä 23. sulakuudu. Videos Kanzallizen da alovehellizen poliitiekan varaministru Aleksandra Jeršova kerdoi Ven’an valdivon kanzallizeh poliitiekkah nähte da sih nähte, kui se vaikuttau jogahizen elaigah.
— Videolois ruvetah kerdomah ekstremizman da terrorizman vastustamizes, perindöllizien hengellizien arvoloin lujoittamizes, ven’an kielen da ven’an kul’tuuran tärgevyös, omanmuan suvaičuksen kazvattamizes nuorižos da histouriellizen toven säilyttämizes, vihjai Aleksandra Kuznetsova.
Kaikkiedah huavatah luadie 17 podkastua. Videoloi suau nähtä kerran nedälis Karjalan tazavallan kanzallizen da alovehellizen poliitiekan ministerstvan VK-joukos.
Aihies voit lugie ven'aksegi.
Yhty Oman Median kanualah MAX:as!
