Karjalas luajitah Nuorižon kodi
Vuvvennu 2025 Karjalan tazavallas luajitah Nuorižon kodi. Se sijoitetah endizeh Petroskoin valdivonyliopiston Aleksandr Nevskin prospektal olijah rakendukseh. Nuorižokeskuksen luadimizeh suadih varua kilvas: tazavaldu yhtyi nuorižopoliitiekan kehittämizen programmah ”Aloveh nuorih nähte”.
— Meijän nuoret ollah tovellizet urhoit, sendäh ku tuaste piästih enzimäzele sijale grantoin kilvois. Heijän kehoitetut projektat ollah ainavoluaduzet da mieldykiinittäjät, sanoi Karjalan piämies Artur Perfenčikov omassah lehtistöpalvelule.
Federuallizes b’udžietaspäi on annettu 110 miljounua rubl’ua keskuksen tiloin kohendamizeh da ruadoprogramman luadimizeh, kuduah kuuluu 20 projektua da piduo. Niilöin luvus suuret tutkimukset, opastuspivot.
— Kezäkuus alletah rakenduksen kohendamistu, ruavot pidäy loppie vuvven 2025 kylmykuuh suate. Luajitah eri tilat Dviženije pervih -liittoh nähte, mediastuudii, opastundutilat, kerdoi Artur Parfenčikov.
Nuorižon kodii ruvetah luadimah kanzallizen Nuorižo da lapset -projektan mugah.
Aihies voit lugie suomeksegi.
