Karjalas kuvattih programmua kalastukseh nähte
Dikii-TV-kanualu da programmu ”Minun kalastus”, kuduadu luadiu Sergei Aprelov tuaste käydih Karjalah. Belomorskan piirin järvilöil kuvattih s’užiettoih kalastukseh nähte.
Čakat, mödžöit da vihmaksine siä ei voidu rikkuo programman luadijoin pluanoi: meččyjärvis kala näykki hyvin. Kalaniekat käydih Mujehjärvele, Šuikujärvele da Valgiele merele.
Illoil programman luadijat Sergei Aprelovan soitandan mugah musteltih kalastukses tapahtunuttu.
— Mieleh oli kuulta, kui luajitah silikonmuanituksii kaloih niškoi, kui valmistetah kalastajien kilboi Piiteris. Hyvä, ku puutui ozuttua gostile meijän muan kaunehuksii. Käimmö Mujehjärven Sroičansuarele, kus seizou vuvvennu 1602 nostettu Pyhän Miikulan kirikkö, sanoi Oma Mediale Vadim Volkov, Karjalas Ribatlon-kilvoin valmistai.
Karjalas kuvattuloi s’užiettoi suau nähtä Minun kalastus-programmas jo sygyzyl.
