Karjalas enämbi 890 nuordu suadih ruaduo
Vuvven allus tazavallas enämbi 890 nuordu suadih ruaduo. Joudaval aigua lapset ruattih školis, Arktika-ombelusfabriekas, Kondupohjan tsel’l’ulouzubumuagukombinuatas, Oniegan laivoin rakendus- da remontuzavodas, Karelleshoz-, Karelgaz-, Vodokanal -laitoksis.
Vuvven allus 170 ruatuttajua ilmoitettih, ku heijän laitoksis on 1800 ruadokohtua nuorih niškoi. Muga Rabočeostrovskan keskiškolan 14 lastu yhtyttih ruadojoukkoh. Hyö piettih huoldu kazvilois, kabrastettih školan pihua da školan rakendustu sydämes. Lapset kunnostettih Ižänmuallizen voinan mustokohtan tiloi da istutettih sinne kukkua.
— Lapset mustetah oman enzimäzen ruadokogemuksen oman školan hyväkse. Tärgei on, ku lapset yhtyttih joukkoh, opastutah ruadamah yhtes, sanoi Karjalan ruavonhaldivon piälikkö Jelena Frolova Karjalan piämiehen lehtistöpalvelule.
Ruadopalku 18 vuottu nuorembile lapsile maksetah sen muga, kui hätken hyö ruattih da kui äijän suadih ruadua sih aigah. 14—15-vuodehizet lapset vähimite suajah 19 tuhandes 27 tuhandeh suate rippujen sit, mittumas piiris hyö eletäh da kui äijän ruattih. 16—17-vuodehizet suajah 28 tuhandes 40 tuhandeh suate.
Yhty Oman Median kanualah MAX:as!
