Karjalas avattih Ven’an kanzoin yhtenäžyön vuozi
Petroskois piettih Ven’an kanzoin yhtenäžyön vuvven avajazet. Pruazniekkutapahtumu pani allun suurele kul’tuurutapahtumien ohjelmale. Ymbäri vuvven piettävih pruazniekkupidoloih yhtyy tazavallan sadoi eläjii.
Vuvven virrallizih avajazih tuli läs 150 hengie: kanzallizih liittoloih kuulujua, virgumiesty, kul’tuurualan ruadajua, nuorižoaktivistua. Laval ezityttih erilazet kollektiivat, kudamat ozutettih gostile Ven’an muan kanzoin kul’tuuruperindölöi. Virgumiehet tervehtittih ozanottajii da pandin merkile vuvven suurdu merkičysty meijän muah niškoi.
— Meil Karjalas on sananpolvi: rahvahan väil i kallivo siirdyy. Tämä rahvahan viizahus oli oigei sadua vuottu tagaperin da, tiettäväine, se on oigei tänäpäigi. Eliä da ruadua pohjazes voibi vaigu yhtes, auttajen da kannattajen toine tostu, sanoi Elissan Šandalovič, Karjalan Zakonoinhyväksyndykerähmön piämies.
Vuvvennu 2026 tazavallas on planiiruittu enämbi 40 tapahtumua: konsertua, Karjalan rahvahien kieli- da kul’tuurunedälilöi, karjalan da vepsän kielen saneluloi, nuorižon fourumoi, kanzallizien sportulajien festivualiloi da muudu.
Prezidentu Vladimir Putin ilmoitti tämän vuvven Ven’an kanzoin yhtenäžyön vuvvekse. Sen piendy lujoittau meijän muan kanzallistu sobuu da kannattau kul’tuururikkahuttu.
Aihies voit lugie suomeksegi.
Yhty Oman Median kanualah Telegramas!
