Karjalas autetah erillizeh voinuoperatsieh yhtynyzii
Karjalan piämies Artur Parfenčikov kerdoi, kui tazavallas kannatetah erillizeh voinuoperatsieh yhtynyzii da heijän omahizii.
— Meil läs 80% niilöi veteruanoi, kuduat tuldih erillizes voinuoperatsies, jo ollah ruavos. Tiettäväine, on mostu tilandehtu, kuduat tarvitah erinomastu huomivuo, sendäh ku sinne lähtijes erähil oli vaigei sotsiualline elostila. Ga minä nygöi en tahtos ni sanuo tilandehtu ylen hyväkse, ni pahendua sidä, kerdou Parfenčikovan sanoi Respublika-uudizientoimisto Vedomosti-julgavoh vihjaten.
Paiči sidä Parfenčikov vihjai, ku vuozinnu 2024 da 2025 erillizeh voinuoperatsieh yhtynyzien 253 perehty vaihtettih eländykohtat avuarien tilas olijois kodiloispäi. Vuvves 2023 erillizeh voinuoperatsieh yhtynyzile da heijän omahizile annetah ilmazii muapaloi kodiloin nostamizekse. Samaine helpotus ongi veteruanoil. Vie eräs kannatuskeino on sotsiualline sobimus, kuduadu voibi käyttiä eländyololoin kohendamizekse, remontakse, krediitoin maksamizekse, vezikaivoloin puramizekse.
Aihies voit lugie suomeksegi.
Yhty Oman Median kanualah MAX:as!
