Karjalas algavui uuzi programmu kul’tuurualan ruadajih nähte

Zemskii kul’tuurualan ruadai -programmu on tarkoitettu kul’tuurualan ruadajien kannattamizekse. Kuva: Karjalan tazavallan piämiehen lehtistöpalvelu

Karjalan tazavallan kul’tuuruministerstvu panou rattahile uvven Zemskii kul’tuurualan ruadai -programman. Se on tarkoitettu niilöin kul’tuurualan ruadajien kannattamizekse, kuduat muutetah ruadamah tazavallan kylih, pos’olkoih da toizih eländykohtih, kudamis eläjiä on 50 tuhattu vähembä.

Programman hantuzis kilvan voittajat suajah yksikerdazet maksot. Se on ylen hyvä mahto niilöile kul’tuurualan ruadajile, kuduat tahtotah yhtyö kul’tuuran kehittämizeh Karjalan eri kolkis.

Pakičuksii kilbah otetah vastah sulakuun 2.päiväs algajen heinykuun 15. päiväh suate. Kilvan voittajien nimet ilmoitetah elokuun 15.päiväh suate.

Ližätieduo programman nähte täs.

Aihies voit lugie vepsäkse da suomekse.