Karjalas 172 giidua on suannuh attestatsien
Vuvven 2025 kevätkuus 1. päiväs algajen ekskursienvedäjät da giidat-kiändäjät ei suaja ruadua ammatin mugah, ku hyö ei piästy läbi vältämättömäs attestatsies.
On tulluh vägeh normu giidoin vältämättömäs attestatsies. Sih niškoi, ku jatkua omua toimindua, ekskursienvedäjil pidäy piästä tutkindos läbi. Ekskursienvedäi libo giidu nygöi virrallizesti kuuluu toiminduluvan tarvittavih ammattiloih. Attestiiruitut ruadajat pannah Yhtehizeh federuallizeh rejestrah.
— Vuvven 2025 pakkaskuus algajen elokuussah Gosuslugi-portualan kauti attestatsieh ilmoittihes 182 giidua, niilöis sai attestatsien 172 hengie. Se on äijiä enämbi migu mennyt vuon. Vuvvennu 2024 ilmoittihes 101 hengie, niilöis 77 sai attestatsien, ilmoittau Karjalan ekonoumiekkukehityksen ministerstvu.
Attestatsieh kuuluu testu da praktiekkututkindo: tiijot on ilmoitettu Karjalan ekonoumiekkukehityksen ministerstvan saital.
Ekskursienvedäi formiruiččou turistal enzimäzen mielikuvan aloveheh nähte. Ku spetsialistu menöy segah faktois, ei tiijä paikkua da ei malta ruadua kuundelijan rahvahanke, se luadiu pillua piirin imidžale.
Aihies voit lugie vepsäksegi.
