Karjalan vezistöt: ajelta pienil venehil jo suau
30.04.2025
Pienehil venehil suau ajua Karjalan tazavallan suvipuoles oraskuun 1.päiväs algajen, pohjazis – oraskuun 8. päiväs algajen.
Karjalan halličuksen azetuksen mugah tazavallan vezistölöil navigatsii algavuu 1. oraskuudu suvipiirilöis da 8. oraskuudu pohjazil alovehil. Kuva: Ol’ga Smotrova
Karjalan tazavallan vezistölöil tulien kuun allus suau jo ajua pienil venehil. Karjalan halličuksen azetuksen mugah tazavallan vezistölöil navigatsii algavuu 1. oraskuudu suvipiirilöis da 8. oraskuudu pohjazil alovehil.
— Hyvä on, ku suau jo lähtie omal venehel järvele da ongittua kalua. Kalattahhäi karjalaine ei elä, sanoi Oma Mediale Igor’ Trifonov.
Oraskuun 1. päivänny pienil venehil suau ajua Anuksen, Priäžän, Onieganrannikon, Kondupohjan, Puudogan, Lahdenpohjan, Pitkänrannan, Sordavalan, Suojärven piirilöis da Petroskoin linnanalovehel.
Oraskuun 8. päivänny navigatsii algavuu Kalevalan da Louhen piirilöis, Belomorskan, Kemin, Kostamuksen, Karhumäin, Mujehjärven da Segeežan alovehil.
ПОХОЖИЕ НОВОСТИ
