Karjalan tazavaldu: kyzykkiä – vastatah
Karjalas 15. kylmykuudu on pietty rahvahien da järjestölöin edustajien yhtehizen vastahotandan päivy. Vastavukset omih kyzymyksih suadih 245 hengie.
Karjalan piämies otti vastah rahvastu Kostamuksen piiris yhtes Kostamuksen piälikön Aleksandr Dmitrijevan, Karel’skii okatiš -laitoksen johtajan, Zakonoinhyväksyndykerähmön deputuatan Maksim Vorobjovan da Kostamuksen piirin nevvoston piälikön Jelena Sobolevan kel.
Kostamuksen alovehen eläjien kyzymykset koskiettih muasuhtehii, tervehyönhuolduo, biznessua, investitsiiprojektoin todevuttamistu, omanmuansuvaičuksen opastamistu da omanhimol ruadajien projektoi. Vastavukseh tuli 53 hengie.
— Äijät kyzymykset koskietah alovehien kunnostamistu. Maksim Potanin kehoitti nostua uuzi skeit-parku. Nygöine puusto, kuduan linnale lahjoitti ”Karel’skii okatiš” on mielužu kohtu linnalazih niškoi, ga se vuadiu uvvistamistu. Kannatin tämän kehoituksen. Se jo pandih kirjoile linnan master-pluanah. Kannatingi nerokkahien naizien — Karjalah nähte kerdojan stolakižan luadijan Nadežda Savinan da taidoilijan-dizaineran Tatjana Vasiljevan — projektan. Heijän ruado on tärgei meijän tazavallan edeh eistämizeh nähte. Käskin Kehittämizen korporatsiele kannattua naizien kehoitustu, kirjutti Artur Parfenčikov omassah VKontaktas.
Tavаzallan kaikis piirilöis da alovehis moizii vastavuksii piettih valdivoelimien da paikallizen haldivon piämiehet.
Yhty Oman Median kanualah Telegramas!
