Karjalan taidehpirdajad “pal’l’astiba” ičeze henged
Uz’ ozuteluz avaitihe Petroskoin Tätün pertiš. Sihe mülüi kahten Karjalan taidehpirdajan Marus’a Klimovan da Aleksei Maksimovan 36 kuvad.
— Mö amu jo tundem toine tošt. Meil om äi ühthišt. Eskai radam ühtes pajas.
Hot’ ozutelusen nimel om ičeze istorii, minun täht, se ozutab aigkeskustaha-ki mugažo: minun elos nügüd’ om vajehtuzaig — taidehpirdandaspäi sirdämoi toižehe polehe. Sikš minai ozutelusel om ezitadud aigemba, a Marus’al — möhemba pirttud kuvad, sanub Aleksei Maksimov.
— Ozutelusel om 17 minun da 19 Aleksejan kuvad. Mö “pal’l’astim” ičtamoi neniš kuviš. Pal’l’astim päd, hibjad, henged, ližadab Marus’a Klimova.
Molembad taidehpirdajad oma simvolistad. Hö kuvadaba sidä, midä rižaba da miš holduba.
Ozuteluz om avaitud sulakun 5. päivähasai.
