Karjalan runoilijat voinah nähte: luve runo
Karjalan tazavallan kanzalline kirjasto 7. sulakuudu — 31. oraskuudu panou rattahile pivon ”Karjalan runoilijat voinah nähte”.
Pidoh yhtyndäkse pidäy lugie Karjalan runoilijan runo Ižänmuallizeh voinah nähte da luadie lyhyt video.
— Flashmob-piduo ei pietä luvenduneron ozutettavannu kilvannu. Sen tarkoitus on ozuttua, kui jogahizel meijän muan eläjäl on kallis musto Ižänmuallizes voinas, kui tärgei on säilyttiä rahvahan urhotego, ku sidä mustettas da kunnivoittas tuliet sugupolvet, kirjasto kerdou.
Kaččuo paino- da sähköjulgavot, karjalazien runoilijoin luvettelu da lugie pidoh nähte šuikkuperäzesti voibi täs.
Piduo pietäh online-muvvos, sen vuoh tahtotah suurendua pidoh yhtyjien luguu. Kai videorunot sijoitetah Karjalan kanzallizen kirjaston saitale uudeh ozastoh ”Musto suures voitos”.
Aihies voit lugie suomeksegi.
