Karjalan Rahvahan Liitto: ”Voiton päivy” kuuluu karjalakse
Karjalan Rahvahan Liitto ilmoittau Karjalazet Suures Ižänmuallizes voinas -aktsien tuloksii. Voiton 80-vuozipäiväle omistettuh pidoh vuotetah 23. sulakuduu 17.00 čuasun Ystävyskodih Titovan pihale, 3.
Aktsien piätarkoitus oli perustua sähköarhiivu, kuduadu voidas käyttiä karjalan eläjät omih tarbehih da Ižänmuallizele voinale omistettuloi pidoloi valmistajes.
Aktiseh otettih erilastu kuvua — dokumental’noloidu fotokartočkua, pihal luajittuu fotokuvua, portriettua, luonnan kuvua da tostu. Joga kuvas pidi olla tarkua tieduo: kohtu, ristikanzan libo objektan nimi, kuvuandan aigu.
— Kymmenet kuvat perehien arhiivoispäi on työtty, niilöis suau nähtä koit, kudamis elettih karjalazet, kaččuo lapsien da ruavahien ilmielöi, kačahtukseh heijän silmih, sanoi Oma Mediale Karjalan Rahvahan Liiton piälikkö Anna Jakovleva.
Pivos yhtes Oma Pajo -horan vokalijoukon kel suau pajattua karjalakse kaksi pajuo — ”Kat’uša” da ”Voiton päivy”.
Pido on valmistettu Karjal ristikanzois: Histourii. Kieli. Kul’tuuru -projektan mugah Karjalan tazavallan piämiehen grantufondan tuvel. Akstii piettih Karjalan rahvahan luomisruavon da kul’tuuruinitsiatiivoin keskuksen da Periodika-julguamon kannatuksel.
