Karjalan Rahvahan Liitto: voiton kunnivokse
Karjalan Rahvahan Liitto jatkau lyhytaigazien luvendoloin piendiä. Täl kerdua aihiekse on otettu Ižänmuallizes voinas voiton 80-vuozipäivy.
Pido valmistetah 16. sulakuudu 16.00 čuasun aigah kul’tuurukeskukses ”Petrovskii”, Andropovan piha, 1.
Priäžän Elämä-keksuksen piälikön virras olii Tatjana Seppänen sanelou karjalazis neidizis, kuduat voinan aigah oldih tiijustelijoinnu. Ženii Parf’onov, Karjalan Kanzallizen muzein ruadai sanelou Karjalan frontan valokuvuajis. Karjalazen Oma Pajo -horan piälikkö Tatjana Zaitseva rubieu kerdomah voinuvuozien pajolois.
— Voitto on yhtehine kaikile kanzalližuoh huolimata. Karjalazet miehet da naizet oldih voinan aigah eri frontoil, Karjalan frontal vojuimas oldih rahvas eri kanzua. Tämä merkipäivy — Voiton 80 vuottu — on ylen tärgei kaikile meile. Sen kunnivokse piemmögi tädä piduo, sanoi Oma Mediale Anna Jakovleva, Karjalan Rahvahan Liiton piälikkö.
Piäzy pidoh on välly. Lyhytaigazii luvendoloi pietäh Karjal ristikanzois: histourii, kieli, kul’tuuru -projektan hantuzis Karjalan tazavallan grantufondan kannatuksel.
