Karjalan Rahvahan Liitto: uvven vuvven kynnyksel
Karjalan Rahvahan Liitto 20. talvikuudu 11. 00 čuasun aigah pidäy perindöllizen kečoin Uvven Vuvven pruazniekkua vaste.
Karjalan kanzoin Ystävyskodih on kučuttu liittolastu da muite karjalastu, kenen mieldy kiinnittäy karjalan kul’tuuru da perindöt.
— Moizet ildu- da päivykečoit roittih jo perindöllizikse Karjalan Rahvan Liiton piettävien tapahtumien joukos. Tahtommo, ku rahvahal pruazniekkua vaste olis hyviä mieldy, hyö vastavuttas, piettäs luo, pajatettas. Pidoh tulou vältämättäh Pakkasukkogi. Täkse kerdua valmistimmo päivykečoih tulijoile arbajazet da aivokižan, kuduas rodieu talvie koskijua kyzymysty — arbaitustu, siänennustustu, karjalazien perindölöis da tavois kerdojua tieduo, sanoi Oma Mediale Karjalan Rahvahan Liiton johtokundah kuului Valentina Mironova.
Päivykečoih tulijat ruvetah pajattamah karaoke karjalakse da voijah suaha arbajazis mustokse kalenduarat vuvvekse 2026, Periodika-julguamon kirjua da tostu mielužua mustolahjua.
Yhty Oman Median kanualah Telegramas!
