Joka vuosi Karjalan Rahvahan Liitto keryäy liittolaisie, jotta kertuo, mitä oli ruattu vuuvven aikana ta keškuštella šuunnitelmista tulijakši vuuvvekši.
– Kokoukšešša mie luven čotan liiton vuuvven ruavošta, niise esitämmä rahakulujen čotan. Keškuštelemma liiton männyön vuuvven ruavošta ta šuunnitelmista. Liiton piirien ošaštojen etuštajat esiinnytäh internetin kautti, kerto KRL:n puhienjohtaja Aleksandr Jeremejev.
Vuosikokouš pietäh Petroskoissa Karjalaisien, šuomelaisien ta vepšäläisien kieliresurssikeškukšešša 27. oraškuuta kello 18.00. Liittyö toimenpitoh šuau ZOOM-lähetykšen kautti. Lisyä tietuo voitta šuaha puhelimen kautti +7 9212248994 (Aleksandr Vasiljevič Jeremejev).