Karjalan piämiehen šuora linja: kolme tuntie ta yli tuhat kyšymyštä
Talvikuun 14. päivänä Rossija 24 -telekanavalla näytettih jokavuotini Šuora linja, kumpasen aikana Artur Parfenčikov luati vuuvven yhtehvevot ta vaštasi Karjalan eläjien kyšymykših. Rahvaš kiinnoššuttih hätätalojen eläjien šiirtämisen ajašta, teijen ta šiltojen korjuamisšuunnitelmista, onkologisen keškukšen rakentamisen ajašta ta muista aiheista, kertou Karjalan tašavallan piämiehen lehistöpalvelu.
— Meijän šuora linja kešti noin kolme tuntie. Šain yli tuhat kyšymyštä — passipo teijän aktiivisuošta! Ušeimpih kyšymykših vaštasin lähetykšen aikana. Muih vaštuamma lähipäivinä — kyšyn kollegoja käsitellä joka ilmotušta niin tarkkah kuin mahollista, kirjutti Artur Parfenčikov poštaukšeššah VKontaktešša.
Tašavallan piämieš kiinnitti erikoista huomijuo veteranien, erikoisšotaoperatijon ošallistujien ta heijän perehien kannattamiseh, kuletušverkon kehitykšeh, “ruhkareformin” perspektiivilöih.
Šuoran linjan nauhotušta voipi kaččuo Artur Parfenčikovin šivulta VKontaktešša.
Yhty Oman Median Telegram-kanalah!
