Karjalan parahat koululaiset šuatih stipendit
Juhlallini seremonija, kumpasešša Karjalan parahilla koululaisilla myönnettih stipendit piettih Petroskoissa Karjalan kanšallisešša kirjaštošša. Onnittelomah koululaisie tultih Karjalan piäministerin šijähini Larisa Podsadnik ta Opaššuš- ta urheiluministeri Roman Golubev. Rahakannatušta šai Karjalan 30 koululaista omista šuavutukšista opaššukšešša, taito-, sosiali- tahi urheilutoiminnašša.
— Onnittelen voittajie! Teijän šuavutukšet luajitah panokšen koko tašavallan ta muan kehitykšeh. Niise tämä voitto on teijän vanhempien ta opaštajien šuavutuš, kumpaset kannatettih ta autettih teitä. Šanon kiitoššanoja heilä ušošta ta kärivällisyöštä, šano Opaššuš- ta urheiluministeri Roman Golubev.
Stipendin šuajiksi tultih kanšainvälisien, Venäjän kilpailujen voittajat, omien näyttelyjen järještäjät, artikkelien ta julkaisujen luatijat, solokonserttien esittäjät.
