Karjalan pämez’ ozateli joukvestišton radnikoid Painusen päivänke
Karjalan rahvahiden sebruden kodiš Karjalan pämez’ Artur Parfenčikov ozateli lehtmehid, starinoiči joukvestišton roliš nügüd’, andoi Karjalan toimitajile korktoid znamoid da kitändkirjeižid. Kitändkirjeižen Karjalan pämehištolpäi sures panendas joukvestištoho Karjalan rahvahiden kelil sai ”Kodima”-lugendlehtesen pätoimitai-ki Irina Sotnikova.
— Om mel’he, miše meiden radod korktas arvostadihe. Pidab sanuda, miše nece ei ole vaiše minun arvtego, nece om minun ühtesradnikoiden ühthižtön satuz, mö ühtes tegem suren da tärktan radon vepsän kelen kaičendan täht da meiden rahvahan hüvüdeks, sanub Irina Sotnikova.
”Kodima”-lugendlehtez lähteb eloho vodespäi 1993 vepsän da venän kelel da praznuičeškandeb täl vodel 30-vottušt jubilejad.
Uzištoid neciš temas voib lugeda mugažo karjalan da venän kelil.
