Karjalan nuoret yhtyttih ruavottomuonpalvelun projektah
Ven’an ruadoministerstvu on valmistannuh projektan, kudai tavoittau andua monipuolistu abuu nuorile ammattii da opastundukohua vallites, ruadokohtua eččijes. Projektua todevutetah kanzallizen Kadri-projektan mugah.
Projektan hantuzis nuoret luajitah ruadokohtan valličendan pluanat, miärätäh kannatuskeinot da palvelukset, kudamien avul rodieu kebjiembi piästä ruadoh.
Projektu andau mahton školaniekoile da yliopastujile tuttavuo niilöin ruavonandajien kel, kudamat tarvitah korgiesti opastunnuzii ruadajii: ”Rosatom”, ”Petrozavodskmaš”, Oniegan venehien luajindu- da kohenduszavodu, Kondupohjan da Segežan tsel’l’ulouzukombinuatat, RK-Grand, Arktika-ombelusfabriekku da toizet.
— Ammattiorientatsien aigah myö otammo huomivoh alovehellizen kadroin tarbehien ennustuksen da tuttavutammo nuorii kyzyttävih ammattiloih, ku hyö voidas löydiä ruadokohtu kerras opastundan loppiettuu, kerdou Karjalan Ruavon da ruavottomuon haldivo sen varapiämiehen Jurii Borisovan sanoi.
Karjalan piämies Artur Parfenčikov käski ruadua yhtevykses tazavallan laitoksien kel, ku nuoret jiädäs ruadamah tazavaldah.
Mennyt vuon lähes 2 000 lastu da nuordu ruattih joudaval aigua tazavallan laitoksil. Školaniekoile tarittih ruadokohtii 190 laitostu.
Aihies voit lugie suomeksegi.
Yhty Oman Median kanualah Telegramas!
