”Karjalan marjat” suadih federuallizen palkindon
Karjalan laitoksen projektu on merkitty AI INNOVATOR AWARDS-2025-palkindol nominatsies ”Tegointellektan muatalovusalah juuroittamizen ielastui”.
UrožAI-projektu on Meččymarjolaitoksen da Petroskoin valdivonyliopiston tiedomiehet. Projektan mugah on luajittu soveldus, kuduas on sähkökartu. Se auttau marjoin da grivoin keriäjile löydiä parahat kerävökohtat. Kartah joga kazvin kerävökohtat on merkitty erikseh.
— Sistieman ainavoluaduvus on, ku se kerras työnnyttäy marjoin da grivoin keriäjii parahih kerävökohtih, hyö menetetäh kerävökohtien ečindäh da keriändäh puoleh kerdah vähembän aigua, migu enne. Se turvuau keriäjile pyzyvän palkan, sen vuoh enämbi rahvastu lähtöy keriämäh hyödyllizii kazvisvitamiinoi, on kirjuttau Karjalan marjat -laitoksen saitu sen piälikön Aleksandr Samohvalovan sanoi.
AI INNOVATOR AWARDS joga vuottu panou merkile parahat projektat tegointellektan alal, ozuttau parahimii käyttötaboi da keinoloi nygyaigazii tehnolougieloi käyttämizes ekonoumiekan eri aloil.
Meččymarjoin - da grivoin keriändysuurus on 0,5% ekonoumizes potensiualas da pienenöy jälgimäzet 20 vuottu, ku vähenöy keriäjien lugu. Marjoi da griboi kerätäh meijän muan 2 miljounua ristikanzua, enimite pienien kylien eläjät Ven’an luodehes da pohjazes, sego Urualan, Siberin da Loittozen päivännouzupuolen alovehil.
Tuliekse UrožAI-tehnolougii levendetäh kogo valdivole.
Aihies voit lugie suomeksegi.
Yhty Oman Median kanualah Telegramas!
