Karjalan lämpö -šiätijö työnti 8,5 miljonie erikoisšotaoperatijon alovehella olijilla muanmiehillä
Vuuvven 2026 alušta Karjalan lämpö -šiätijö työnti 8,5 miljonie rupl’ua erikoisoperatijon alovehella palvelijien muanmiehien tarpehih, kertou Karjalan tašavallan piämiehen lehistöpalvelu.
Joka kuukauši Karjalan lämpö -hyvänluajintašiätijön kannatukšella erikoisšotaoperatijon alovehella olijilla muanmiehillä tuuvvah Karjalašta kymmenie tonnija tarvittavie tavaroja – nykyaikasešta tekniikašta rakennušvehkehih ta vuatteih šuaten.
— Myö käsitelemmä šotaošaštojen anomukšie, oššamma anehellis-teknillisie laittehie, vehkehie, rakennušmaterialija to muita tavaroja. Joka kuukaši kerätty kuorma šiätijön varoilla lähetetäh šotilahilla, šelitti lehistöpalvelulla Karjalan lämpö -šiätijon varajohtaja Jelena Zez’ulčik.
Halukkahat šuahah auttua muanmiehie lähettyän vaikka mitä rahasummua šiätijön rekvisiittien mukah. Joka šuatu rupl’a mänöy tarvittavien tavarojen oštamiseh nillä, ket palvellah erikoisšotaoperatijon alovehella.
— Karjalan lämpö -šiätijön keryämät rahavarat lähetetäh kuormien oštamiseh ta kuletukšeh. Muih tarkotukših rahua ei työnnetä, korošti Jelena Zez’ulčik.
Aihiešta voit lukie niise šuomekši.
Yhty Oman Median Telegram-kanalah!
