Karjalan kuuzi piirii suau abuden’goi etnokul’tuurizeh kehitykseh
14.09.2021
On tietty Karjalan piirit, kuduat suajah abuden’gua etnokul’tuurizeh kehitykseh. Tänävuon kilvan fondas on kymmene miljounua rubl’ua.
Etnokul’tuurizeh kehitykseh suundavunnuot projektat todevutetah vuvven 2021 lopussah. Kuva: freepik.com
Karjalas ilmoitettih piirit, kuduat voitettih Karjalan piirilöin etnokul’tuurizen kehityksen kilvas. Voittanuot piirit suajah den’gua karjalan kielen kursiloih lapsih da täyzi-igähizih ristikanzoih niškoi, pihalavvoin valmistamizeh, perindöllizen taidoluomisruavon kehittämizeh da toizih dieloloih. Kilvan pidi Karjalan kanzalline da alovehelline poliitiekan ministerstvu.
– Kaikkiedah kilbah työnnettih 14 ilmoitustu. Voittajien joukos on Kalevalan, Anuksen, Priäžän, Belomorskan da Kemin piirit da Kostomuksen linnanpiirikundu, kirjutettih Karjalan kanzallizen da alovehellizen poliitiekan ministerstvan saital.
ПОХОЖИЕ НОВОСТИ
