Karjalan kul’tuurupolitiekku: midä vuottua Petroskoil vuvvennu 2026
Karjalan piämies Artur Parfenčikov saneli online-kerähmös, midä on luajittu vuvvennu 2025 kul’tuurupoliitiekan alal da ilmoitti tulien vuvven pluanat. Karjalan piälinnan kul’tuuruelaigu tänä vuon on rikastu tapahtumil.
Vuvvennu uvvistetah tazavallan piälinnan lapsien kirjasto da luajitah sinne nygyaigazet tilat. Kuvailutaijon muzeis da Rahvahantaijon da kul’tuurualguhpanoloin keskukses alletah ruavon lapsien kul’tuurukerhot. Sen ližäkse Petroskois pietäh kaksi suurdu džasfestivualii.
— On tärgei elvyttiä Petroskoin hengellizen perindön objektat: muuzikkukul’tuuru, yliopastujien runoilukerähmön histourii da äijy muudu, mil oli rikas Karjalan piälinnu, sanoi Karjalan piämies Artur Parfenčikov omassah lehtistöpalvelule.
Tazavallan piämies huomai, gu tänä vuon kezäkuus pietäh suuri džasfestivuali Karjalan filarmounies. Sen jälles tazavallas syvyskuus pietäh Robert Roždestvenskin mustole omistettu muuzikku- da runofestivuali.
Vuvvennu 2025 sežo oli äijy merkittäviä tapahtumua: lujoitettih nellän teatran ainehellistu perustua, azetettih uvvet mustopačahat — Karjalan frontan johtajale Valerian Frolovale da oniegantagavozen kuulužale iänelitkijäle Irina Fedosovale, jatkettih pruazniekkupidoloin valmistandua karjalazien valattamizen 800-vuozipäivän kunnivokse.
Aihies voit lugie suomeksegi.
Yhty Oman Median kanualah Telegramas!
