Karjalan kul’tuurua ozutettih Kreml’as
Kreml’an dvorčas piettih kanzoinväline rahvahan pajon festivuali. Ozanottajien keskes oldihgi karjalazet nerokkahat pajattajat da tansijat Kandeleh-ansamblispäi. Karjalazet artistat omal ezityksel lumovutettih kaikkii Ven’an piälaval.
Dobrovidenije-festivuali keriäy muzikantoi, kuduat helläh säilytetäh rahvahan soitto- da pajoperindölöi. Kandeleh-ansamblin Aino-joukko pajatti Pajo vien piäl — liirizen pajon, kudai ”upotti” kuundelijoi pohjazen luonnon čomevuoh. Ohjelman piäozannu oli Otatgo kadrillih -ezitys, kudamas tunduu omaperäine karjalaine taba.
— Dobrovidenije-festivualil Moskovan Kreml’an laval on tärgei tavoiteh: säilyttiä rahvahan kul’tuurua, vardoija omaluaduzii perindölöi da siirdiä niilöi nuorele sugupolvele. Kandeleh-ansambli kannatti festivualin monikanzallistu kursua da hyvin ozutti sie Karjalan alguperäzien eläjien kul’tuurua, sanoi ”Kandelehen” lehtistöpalvelule ansamblin johtai Natalja L’vova.
Yhtyndy festivualih rodih kollektiivale tärgienny luomistapahtumannu. Kandeleh-ansambli ezityi piälaval kunnolleh ozuttajen kanzallizen kul’tuuran rikkahuttu.
Aihies voit lugie suomeksegi.
Yhty Oman Median kanualah MAX:as!
