Karjalan kielen muzein aberi: projektu jatkuu
Karjalan tazavallan Kanzallizen muzein uuzi Karjalan kielen muzein aberi -projektu jatkuu.
Projektah yhtynyzih muzein ruadajih nähte on pietty kaksi kieliurokkua. Oma Mua -lehten toimittai Uljana Maksimova kerdoi muzein ruadajile vienankarjalan murdeheh nähte, lehten piätoimittai Natalja Sinitskaja saneli livvinkarjalan murdehes.
— Tavoittehennu oli opastua projektan rahvastu ellendämäh karjalankielisty paginua da livuttua heidy vähäzen pagizemahgi. Čuasun aigua kestäjän urokan jälles hyö opastuttih sanelemah omah iččeh nähte: ket hyö ollah, kus hyö ruatah da kenenny, äijygo vuottu heil on. Semmostu kebjiedy paginneruo, kerdoi Oma Mediale Natalja Sinitskaja.
Karjalan kielen muzein aberi -projektan tarkoituksennu on pujoittua karjalan kieli muzein ruadoh, kannattua muzein ruadajii da muzeih käyjii, kuduat tahtotah paista karjalakse da opastuo karjalah. Projektan hantuzis luajitah ozuttelu ”Karjalan kielen muzein aberi”, uvven metoudiekan avul valmistetah uuzi programmu, ku muzeis rodies vie eräs kohtu, kus käytetäh karjalan kieldy da kannatetah sidä.
Karjalan kielen muzein aberi -projektu on voittanuh Pohjazen hyvys -fondan Ven’an pohjazen muzeit -programmas.
Yhty Oman Median kanualah MAX:as!
