Karjalan ”Kandeleh” sai korgeviman arvosanan TV-programmas
Kandeleh -joukko yhtyi Rossija 1 -federuallizen kanualan kanzoinvälizeh TV-šouh. Kollektiivu ezitti karjalazien kul’tuurua da sai sada ballua omas pajoneros. Nygöi ristikanzoil on mahto kannattua ansamblii rahvahallizes valličukses.
Ven’an piälinnan laval Karjalan pajojoukko ozutti kaikile karjalastu kanzallistu rikkahuttu da omua pajoneruo. Toizen kanualan TV-efiiras kuuluttih Aino -pajojoukon naizien iänet. Äijien kaččojien mielen mugah se oli suuri da vaikuttavu ezitys.
Kilvas kollektiivu sai suurimat ballat. Artistoin ezityksen aigah kai arvostelukundah kuulujua sada tundiettuu muuzikkumiesty nostih seizoi, erähil kyynälet oldih silmis.
— Se on suuri joukkoruado, kudai liikutti arvostajii, hyö pandih suurimat arvostelut da heile kyynälet nostih silmih. Sydämellisty passibuo joga meijän arvostajale kannattamizes da suvaičukses. Kiitämmö meijän Aino -joukkoh kuulujii. Työ innostatto da ihastutatto kuundelijoi pajatandal, sanoi Kandeleh -ansamblin johtai Natalja L’vova Karjalan piämiehen lehtistöpalvelule.
Kilvas korgevimat arvosanat suadih kolme kollektiivua. Piästä finualah voidih vaigu kaksi joukkuo, sendäh programman aigah piettih ližävalličus. Sit voitti kollektivu Afrikan manderehelpäi.
Sih huolimattah kaččojil on vie mahto kannattua karjalan artistoi. Rahvahalline valličus kestäy kevätkuun 13.päiväh suate. Andua oma iäni kollektivale voibi linkan kauti. Nygöi kollektiivu on sen listan voittajien joukos.
Aihies voit lugie suomeksegi.
Yhty Oman Median Telegram-kanalah!
