Karjalan kanšojen yštävyštalo avuau ovet oppilahilla
Karjalan yliopistojen ta opistojen opaštujat tämän netälin aikana tullah tuttavuštumah Karjalan kanšojen yštävyštalon ta Karjalaisien, šuomelaisien ta vepšäläisien kieliresurssikeškukšeh.
— Joka päivä meilä tullah opaštujien ryhmät, myö näytämmä heilä yštävyštaluo ta esitämmä šen toimintua. Piättimä järještyä tutuštumisnetälin, jotta opaštujat šuatais tietyä, mitä Petroskoissa on ta mimmoseh toimintah voipi liittyö. Myö kerromma heilä, jotta myö järješšämmä Yštävyön volont’orit -nuorisineuvošto, kumpasešša kašvatamma Yštävyštalon apulaisie ta opaššamma ruatamah järješšön toiminnan alalla, šelitti Yštävyštalon johtaja Jelena Orehova.
Joka vierašryhmäššä on yli 20 ihmistä. Hyö käyväh opašretkeššä Ystävyštalon tiloissa ta Karjalaisien, šuomelaisien ta vepšäläisien kieliresurssikeškukšen Alina Kartisen ta Aleksandra Saharovan järještämäh musiikkimuasteri-oppih.
