Karjalaine “TUARI”-etnojouk pästi eloho uden “Runo”-pajon
Karjalaine “TUARI”-etnojouk pästi eloho uden “Runo”-kompozicijan, miččes anttas uz’ kaceg tradicionaližihe runoihe. Pajo ühtenzoiti ezitatoiden änid, londusen kuvid da nügüdläižid ritmoid. “Runo” oli ozutadud socialižes verkos i tuli mel’he pohjoižen etnižen muzikan navedijoile. Siš starinoičeb Karjalan Pämehen press-služb.
— Kaiked tärktemba meiden täht om se, miše kundeltes “Runo”-pajod ristitud kuviteližiba erazvuiččid sarnaližid kuvid. Mö tahtoim, miše kaikutte voiži süvetas meiden pohjoižen röunan čomudehe, eskai ku hän ei teda kel’t vai nikonz ei lugend “Kalevala”-eposad, sanui Karjalan Pämehen press-službale “TUARI”-joukun avtor da pajanik Darja Toivonen.
Pajo ühtenzoiti tradicijoid da nügüd’aigašt elod. Sen ezmäžikš kundlijoikš tegihe etnižen muzikan da kul’turan äipoližuden navedijad.
— Kundeltes “Runo”-pajod minä rižan lämäd da hüvüt, miččed lujas harvoin vasttase nügüdläižes muzikas. Se om lujas čoma da hengen tervehtoitai, sanui Karjalan Pämehen press-službale Alina, üks’ pajon ezmäižiš kundlijoišpäi.
Uden “Runo”-pajon voib kundelta internetas muzikplatformoil.
Uzištoid neciš temas voib lugeda mugažo karjalaks, suomeks da venäks.
