Karjalah tuotih Pyhän Yrjön pyhäinjiännökšie
Koko Venäjällä pietäh yleiskanšallista aktijuo – Venäjän malittu Voitošta. Tapahtuman rajoissa Karjalah tuotih šuurin pyhäesineh - Yrjö Voittajan pyhäinjiännökšet.
— Kannattua malittušanoilla kaikkie, ket nyt puoluššetah Kotimuata voipi Aleksanteri Nevskin kiriköššä. Kun malittu on yhtehini šen voima on monta kertua lujempi. Jumalanpalvelut ta akafistin lukomiset pietäh tänäpiänä ta huomena, kirjutti omalla virallisella šivulla Karjalan piämieš Artur Parfenčikov.
Yrjö Voittajalla luvetah malittuja, kun kyšytäh voittuo. Tämä on Venäjän šuuri šuojelija. Pyhäinjiännökšien šiirto šai Moskovan ta koko Venäjän pyhimmän patriarhin Kirilän plahosloven’n’an. Aktijuo kannattau Venäjän presidentin hallinto.
Aleksanteri Nevskin kirikkö on auki kello 8.00 – 20.00.
Aihiešta voit lukie niise šuomekši.
