Karjalah tulou 11 uuttu opastajua
Tazavallas tiijustettih Zemskii učitel’-programman voittajii. Uvves vuvves ruavon Karjalan školis alletah 11 uuttu opastajua.
Tänä vuon programmah yhtyi 14 hengie Ven’an 9 alovehespäi: Krasnojarskan, Krasnodaran, Kurganan, Murmanskan, Arhangel’skan, Tulan alovehes; Sankt-Peterburgas da Altailpäi, sežo nelli opastajua Karjalaspäi. Enimät ollah 40 vuottu nuorembat spetsalistat, kolmandel vuitil on enzimäine libo korgevin ruadonerotazo.
— Nygöi myö ilmoitammo tuloksii. Ku kentahto kieldävyy, sit voittajakse rodieu se, ken on luvettelus ielleh. Ruadosobimuksen školan kel allekirjutettuu opastajat suajah federuallizet maksot, sellitti Karjalan opastuksen da sportan ministru Natalja Karmazina omassah VK-sivul.
Zemskii učitel’ -programmua todevutetah Karjalas vuvves 2020. Sih aigah tazavaldah tuli 76 opastajua, 63 heis jatketah ruavon Karjalan školis.
Zemskii učitel’ -programmua todevutetah kanzallizen Nuorižo da lapset -projektan puittehis.
Aihies voit lugie suomeksegi.
Yhty Oman Median kanualah MAX:as!
