Ligakuun 1. päivässäh kačotah kohendua da luadie modellikirjastoloikse Kondupohjan piirin keskikirjaston lapsien ozasto, Mujehjärven piirin keskikirjasto da Kalevalan kanzallizen Arhippa Perttuzen nimine kirjasto. Kirjastoloin uvvistamizeh on suadu 25 miljonua rubl’ua federuallizes b’udžietaspäi.
Tänäpäi Karjalas ruadau nelli modellikirjastuo: Sordavalas, Janišpuolel, Värtsiläs da Kotkatjärves.
– Kaikis kirjastolois roittih suuret muutokset: on kohendettu tilat, on ostettu uvvet kniigat, tiedokonehlaitehistot, on luajittu pättävät tilat, kus voibi olla joudaval aijal. Uvvet kirjastot ollah rouno intellektuallizet opastuskeskukset, kudamih kävväh lapset dai aiguhizet. Kirjalstolois on kazvannuhgi lugijoin miäry. Ezimerkikse, Sordavalan modellikirjastos, kudai avattih vuvvennu 2020, lugijua rodih kahtu kerdua enämbi, sanottih Karjalan joukkoviestimies virastos.
Modellikirjasto on moine nygyaigaine kirjasto, kudai vastuau lapsien da aiguhizien ristittyzien tarbehii.